|
|
晚晚爆棚嘅“天榮”其實已經開咗好多年，喺江南西住嘅街坊多數都識佢，口碑唔錯！
大排檔旺有兩個最主要嘅原因，冇他嘅，就係好味同實惠囉。而呢間嘢我就覺得兩樣都兼備，唔信，大家可以去試下嫁。
喺江南西浦咗咁多年，幫襯“天榮”亦都不下數十次，但係最值得我贊賞嘅仲係呢度嘅燒肉。皮脆、肉滑！“天榮”賣嘅燒肉都係花腩，一層肥一層瘦，層層相間，甘香可口。最鍾意就係襯住冇人見到嗰時，用支牙簽督住嚟食，因為偷燒肉食嘅感覺係最特別嘅（當然係買咗番屋企先咁啦）。就連一向嘴刁嘅老婆都時不時叫我外賣番屋企。
其實“天榮”做嘅都係家庭小炒之類，勝在夠鍋氣，適合懒得煮嘅人去食，環境就迫D，嗰廚房係開放式嘅，用塊大玻璃隔住，可以見到D廚師炒送，最記得有一次去食，突然見到廚房飈曬火，原嚟係鍋氣勁嗰頭，真係俾佢嚇死。
今次係約咗幾個朋友到嗰度傾計，最唔好彩就係燒肉已經賣曬。
總之，一句講曬，呢間嘢值得推薦！
最超值的地方：
平靚正 |
江南西味王——天荣的讨论